唔覺意睇到《奉子成婚》呢個文章, 諗住留言, 點知寫到長lai lai 咁, 都係寫響blog度啦~

無論結局如何, 我心裡都滿是祝福的!

睇完呢個故事,我諗起《早熟》呢一套戲.

結婚一刻既決定, 係需要兩個人對日後生活有共同既責任感同承擔, 呢份「承諾」並唔止係婚禮上既一刻, 係每一日! 對小生命既愛意更要如此!    

對於生定唔生呢個問題,我想知,男女主角有無堅定既信心、誠意去養育佢呢?經濟能力方面,我暫不去諗,有好多辦法.因為我對bb既日後成長有極大既關注.

響我見過既cases裡面,都見過唔少小朋友係有父母彷似無父母一樣, 多數要男女主角事旦一方既家長養大佢, 甚至到後期, 連老人家都有心無力既時候, 小朋友要俾社署帶走.. 呢d小朋友, 佢地都其實好可愛, 好想有人關心佢地注意佢地多d, 有d重會好內向, 更有d係好易有憤怒情緒. 佢地有d係好naughty, 攪到婆婆或公公好辛苦, 但係, 大家都明白細路仔係naughty d架啦~

其實呢d小朋友都好多心事, 有d會逃避講自己既心事, 唔會同人傾計, 有d鐘意玩人報仇, 有d重要俾屋企人逼佢叫婆婆做阿媽, 唔可以認自己個阿媽做阿媽, 因為屋企人都好shame, 唔想俾人知個女生左個仔無爸爸...其實個小朋友會點諗呢? 佢會好shame on自己...整個家庭都唔enjoy呢種生活, 都在suffer緊, 但係個女就唔理.

有d家庭重衰, 個女出左世以黎, 只有頭幾個月見過面, 爸爸媽媽一年後離婚, 無人為佢負責任, 爸爸繼續風流地生活, 連呢個父親既阿媽都搵唔到自己個仔... 個女而家9歲啦.. 佢心裡好清楚阿爸阿媽都唔想要佢... 婆婆同伯伯用全個精神, 重去做看更, 都係為左呢個下下一代... 一生就係為養育而付出.. 但係, 有d家庭, 到呢種階段, 已經放棄, 俾左社署.

當女仔意外懷孕時, 都會第一時間諗個男主角愛唔愛自己, 會唔會負責任, 有時會諗到好灰, 甚至想用生bb黎綁住男主角一生. 但係千祈唔好當bb係籌碼!! 想像一下, 當爸爸媽媽爭吵時搵你做磨心, 你都好辛苦啦~ 即使唔係少女懷孕, 到今時今日重有好多父母當仔女係籌碼, 過程好慘!

呢個生命係女主角同男主角廷績出黎架, 故事最好係佢地兩個人一齊俾個幸福既家俾bb啦, 但係, 如果無左男主角, 女主角仍想要bb既, 你真係要諗下自己有無能力, 有無其他既人可以幫到你完成呢個偉大既使命. 我信未婚單親既媽媽都可以教好一個小孩子既, 重點係女主角能唔能夠努力付出同學習, 做一個重視孩子成長既好媽媽.

以上一段都係好浪漫既說法, 因為忽視左背後條路既難行之處. 要一個年輕既女仔提早放棄一d青春既時光、要佢承受別人既眼光, 去思考人生重大既課題, 真係一時間好難做呢份生命既功課. 重有, 自己點去平衡不同因素而引起既各種心理, 等等問題, 確實係有極大既難度!

我唔會有答案俾女主角, 我既立場係, 人生活著係要做到無悔一生既, 即使事事未必完美, 又或者避免唔到一d估計唔到既災難都好,如何面對, 是否無悔, 就是看你自己, 生命是一種態度!

最後,可以的話, 我鼓勵將呢件事同屋企人傾下, 有d日後生活既野, 始終要佢地一齊面對. 有心理準備嗎? 可找社工一齊傾.

祝福女主角, 找到自己認為正確無悔既人生!